سیدنا انس بن مالک رضی اللہ عنہ سے روایت ہے کہ ”رسول اللہ صلی اللہ علیہ وسلم نے شراب نوشی پر جوتوں اور کھجور کی ٹہنیوں سے ضرب لگائی، اور سیدنا ابوبکر صدیق رضی اللہ عنہ نے بھی اپنے دورِ خلافت میں اسی طرح کوڑے لگوائے، پھر جب سیدنا عمر فاروق رضی اللہ عنہ کا دور آیا اور لوگ بستیوں اور دیہاتی علاقوں کے قریب ہوئے (یعنی کثرتِ میل جول سے اس جرم کے پھیلنے کا اندیشہ ہوا) تو انہوں نے اس معاملے کا ذکر صحابہ کرام رضی اللہ عنہم سے کیا، جس پر سیدنا عبد الرحمن بن عوف رضی اللہ عنہ نے مشورہ دیا کہ: ”آپ اسے حدود میں سے سب سے ہلکی حد (یعنی حدِ قذف) کے برابر کر دیں“، چنانچہ سیدنا عمر فاروق رضی اللہ عنہ نے اسی (80) کوڑے مقرر فرمائے۔“ [مسند أبي يعلى الموصلي/مسند أنس بن مالك/حدیث: 3127]