سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”اگر ابنِ آدم کے پاس مال و دولت کی ایک وادی ہو تو وہ دوسری کی جستجو کرے گا، اور اگر اس کے پاس دوسری ہو تو وہ تیسری کی تمنا کرے گا؛ در حقیقت ابنِ آدم کے پیٹ کو مٹی کے سوا کوئی چیز نہیں بھر سکتی، اور جو توبہ کرتا ہے اللہ تعالیٰ اس کی توبہ قبول فرماتا ہے۔“ قتادہ رحمہ اللہ فرماتے ہیں کہ مجھے یہ معلوم نہیں کہ یہ الفاظ اللہ تعالیٰ کی نازل کردہ وحی کا حصہ تھے یا رسول اللہ صلی اللہ علیہ وسلم بذاتِ خود یہ ارشاد فرمایا کرتے تھے؟ [مسند أبي يعلى الموصلي/مسند أنس بن مالك/حدیث: 3143]