سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے سیدنا ابی بن کعب رضی اللہ عنہ سے اس وقت جب سورت ﴿لَمْ يَكُنِ الَّذِينَ كَفَرُوا﴾ نازل ہوئی، ارشاد فرمایا: ”بے شک اللہ تعالیٰ نے مجھے حکم دیا ہے کہ میں تمہیں ﴿لَمْ يَكُنِ الَّذِينَ كَفَرُوا﴾ پڑھ کر سناؤں۔“ انہوں نے (حیرت و مسرت سے) عرض کیا: ”کیا اللہ عزوجل نے آپ کے سامنے میرا نام لیا ہے؟“ آپ صلی اللہ علیہ وسلم نے فرمایا: ”جی ہاں۔“ (یہ سن کر) وہ رو پڑے۔ [مسند أبي يعلى الموصلي/مسند أنس بن مالك/حدیث: 3246]