سیدنا انس رضی اللہ عنہ سے روایت ہے کہ انہوں نے بیان فرمایا: ”رسول اللہ صلی اللہ علیہ وسلم کے مبارک عہد میں چار افراد نے قرآن مجید کو مکمل طور پر جمع کیا اور وہ سب کے سب انصار میں سے تھے: سیدنا معاذ بن جبل، سیدنا ابی بن کعب، سیدنا زید بن ثابت اور سیدنا ابو زید رضی اللہ عنہم۔“ قتادہ رحمہ اللہ بیان کرتے ہیں کہ میں نے سیدنا انس رضی اللہ عنہ سے دریافت کیا: ”ابو زید کون تھے؟“ تو انہوں نے جواب دیا: ”وہ میرے چچاؤں میں سے ایک تھے۔“ [مسند أبي يعلى الموصلي/مسند أنس بن مالك/حدیث: 3255]