سیدنا انس رضی اللہ عنہ سے روایت ہے کہ ایک شخص نبی کریم صلی اللہ علیہ وسلم کی خدمت میں حاضر ہوا اور عرض کی: ”ایک آدمی ایسے لوگوں سے نیکی کے کاموں کی وجہ سے محبت کرتا ہے جو وہ (نیک اعمال) کرتے ہیں، حالانکہ وہ خود ان جیسے عمل نہیں کر سکا (تو اس کا کیا حکم ہے)؟“ نبی کریم صلی اللہ علیہ وسلم نے ارشاد فرمایا: ”آدمی اسی کے ساتھ ہوگا جس سے وہ محبت کرے —یا جس سے وہ محبت رکھتا ہے—۔“ (سیدنا انس رضی اللہ عنہ) فرماتے ہیں کہ نبی کریم صلی اللہ علیہ وسلم کے صحابہ کرام رضی اللہ عنہم اس بات سے اس قدر خوش ہوئے کہ میں نے انہیں کبھی کسی اور چیز پر اتنا خوش ہوتے نہیں دیکھا جتنا وہ اس بات پر خوش ہوئے۔ [مسند أبي يعلى الموصلي/مسند أنس بن مالك/حدیث: 3280]