سیدنا انس رضی اللہ عنہ بیان کرتے ہیں کہ ”رسول اللہ صلی اللہ علیہ وسلم نے مجھے کسی ضرورت کے لیے بھیجا، (راستے میں) میرا گزر چند بچوں کے پاس سے ہوا تو میں ان کے ساتھ بیٹھ گیا جس کی وجہ سے مجھے آپ صلی اللہ علیہ وسلم کے پاس حاضری میں دیر ہوگئی، چنانچہ نبی کریم صلی اللہ علیہ وسلم خود باہر تشریف لائے اور مجھے بچوں کے ہمراہ دیکھا تو آپ صلی اللہ علیہ وسلم نے ان بچوں کو سلام کیا۔“ [مسند أبي يعلى الموصلي/مسند أنس بن مالك/حدیث: 3366]