سیدنا انس رضی اللہ عنہ سے روایت ہے کہ صحابہ کرام نے عرض کیا: ”اے اللہ کے رسول صلی اللہ علیہ وسلم ! ہم جب آپ کی خدمتِ اقدس میں حاضر ہوتے ہیں تو ایک مخصوص (ایمانی) کیفیت میں ہوتے ہیں، یہاں تک کہ جب ہم آپ سے جدا ہوتے ہیں تو ہماری وہ حالت نہیں رہتی۔“ آپ صلی اللہ علیہ وسلم نے دریافت فرمایا: ”تم اپنے اور اپنے نبی کے متعلق (ایمان میں) کیسے ہو؟“ انہوں نے عرض کیا: ”آپ صلی اللہ علیہ وسلم ہی خلوت اور جلوت (ہر حال) میں ہمارے نبی ہیں۔“ تو آپ صلی اللہ علیہ وسلم نے ارشاد فرمایا: ”یہ (کیفیت کا بدلنا) نفاق نہیں ہے۔“ [مسند أبي يعلى الموصلي/مسند أنس بن مالك/حدیث: 3369]