سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”میرے پاس براق لایا گیا—جو کہ ایک سفید رنگ کا طویل القامت جانور ہے، وہ گدھے سے بڑا اور خچر سے چھوٹا ہے اور اپنا سم (کھر) اپنی حدِ نگاہ کی انتہا پر رکھتا ہے—،“ آپ صلی اللہ علیہ وسلم نے فرمایا: ”چنانچہ میں اس پر سوار ہوا یہاں تک کہ بیت المقدس پہنچ گیا،“ آپ صلی اللہ علیہ وسلم نے فرمایا: ”پھر میں نے اسے اس حلقے کے ساتھ باندھ دیا جس سے انبیاء کرام اپنی سواریاں باندھا کرتے تھے، پھر میں مسجد میں داخل ہوا اور اس میں دو رکعت نماز ادا کی، پھر میں وہاں سے باہر آگیا۔“ [مسند أبي يعلى الموصلي/مسند أنس بن مالك/حدیث: 3375]