سیدنا انس رضی اللہ عنہ سے مروی ہے، ان سے ثابت رحمہ اللہ نے بیان کیا کہ نبی اکرم صلی اللہ علیہ وسلم جب کھانا تناول فرما لیتے تو اپنی تینوں مبارک انگلیوں کو چاٹ لیا کرتے تھے، اور آپ صلی اللہ علیہ وسلم نے ارشاد فرمایا: «إِذَا سَقَطَتْ لُقْمَةُ أَحَدِكُمْ فَلْيُمِطْ مَا كَانَ بِهَا مِنْ أَذًى وَلْيَأْكُلْهَا، وَلَا يَدَعْهَا لِلشَّيْطَانِ، وَلْيَسْلُتِ الصَّحْفَةَ، فَإِنَّكُمْ لَا تَدْرُونَ فِي أَيِّ طَعَامِكُمُ الْبَرَكَةُ» ”جب تم میں سے کسی کا لقمہ گر جائے تو اسے چاہیے کہ اس پر لگی ہوئی گندگی یا مٹی کو دور کر کے اسے کھا لے اور اسے شیطان کے لیے نہ چھوڑے، نیز آپ صلی اللہ علیہ وسلم نے پیالے کو بھی پونچھ کر صاف کرنے کا حکم دیا اور فرمایا کہ بے شک تم نہیں جانتے کہ تمہارے کھانے کے کس حصے میں برکت پوشیدہ ہے۔“ [مسند أبي يعلى الموصلي/مسند أنس بن مالك/حدیث: 3377]