سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم کھجور کے ایک ستون سے ٹیک لگا کر خطبہ ارشاد فرمایا کرتے تھے، پھر جب منبر تیار کر لیا گیا تو آپ صلی اللہ علیہ وسلم نے منبر پر تشریف فرما ہو کر خطبہ دیا، جس پر وہ ستون (فراقِ رسول میں) رونے لگا، تب نبی کریم صلی اللہ علیہ وسلم اس کے پاس تشریف لائے اور اسے اپنے سینہ مبارک سے لگا لیا، پھر آپ صلی اللہ علیہ وسلم نے فرمایا: «لَوْ لَمْ أَحْتَضِنْهُ لَحَنَّ إِلَى يَوْمِ الْقِيَامَةِ» ”اگر میں اسے اپنے سینے سے نہ لگاتا تو یہ قیامت کے دن تک اسی طرح (میرے فراق میں) روتا رہتا۔“ [مسند أبي يعلى الموصلي/مسند أنس بن مالك/حدیث: 3384]