سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم ہمارے پاس تشریف لائے یہاں تک کہ آپ صلی اللہ علیہ وسلم نے اپنا قدمِ مبارک میرے اور سیدہ فاطمہ رضی اللہ عنہا کے درمیان رکھا، پھر آپ صلی اللہ علیہ وسلم نے ہمیں وہ کلمات سکھائے جو ہمیں اپنے بستروں پر لیٹتے وقت کہنے چاہئیں، آپ صلی اللہ علیہ وسلم نے فرمایا: «ثَلَاثًا وَثَلَاثِينَ تَسْبِيحَةً، وَثَلَاثًا وَثَلَاثِينَ تَحْمِيدَةً، وَأَرْبَعًا وَثَلَاثِينَ تَكْبِيرَةً» ”تینتیس مرتبہ سبحان اللہ، تینتیس مرتبہ الحمد للہ اور چونتیس مرتبہ اللہ اکبر کہو۔“ سیدنا علی رضی اللہ عنہ فرماتے ہیں کہ ”میں نے اس کے بعد ان کلمات کو کبھی ترک نہیں کیا“، تو ایک شخص نے آپ سے دریافت کیا: کیا جنگِ صفین کی رات بھی (آپ نے انہیں ترک نہیں کیا)؟ تو آپ رضی اللہ عنہ نے جواب دیا: ”جنگِ صفین کی رات بھی نہیں۔“ [مسند أبي يعلى الموصلي/مسند علي بن أبي طالب رضي الله عنه/حدیث: 345]