سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس کسی جان کو موت آئے اور اللہ کے حضور اس کے لیے خیر و بھلائی (کا مقام) ثابت ہو چکا ہو، اسے یہ بات ہرگز مسرور نہیں کرتی کہ وہ دوبارہ دنیا کی طرف لوٹ کر آئے، سوائے شہید کے؛ کیونکہ وہ شہادت کی فضیلت و منزلت کا مشاہدہ کرنے کی بنا پر اس بات کو پسند کرتا ہے کہ اسے دوبارہ دنیا میں بھیجا جائے تاکہ وہ (راہِ خدا میں) پھر سے شہید کیا جائے۔“ [مسند أبي يعلى الموصلي/مسند أنس بن مالك/حدیث: 3498]