سیدنا انس بن مالک رضی اللہ عنہ سے روایت ہے کہ جب نبی کریم صلی اللہ علیہ وسلم مدینہ منورہ تشریف لائے تو وہاں وبائی بخار پھیلا ہوا تھا جس کے نتیجے میں لوگ بخار میں مبتلا ہو گئے، پس نبی کریم صلی اللہ علیہ وسلم مسجد میں تشریف لائے تو دیکھا کہ لوگ بیٹھ کر نماز پڑھ رہے ہیں، آپ صلی اللہ علیہ وسلم نے ارشاد فرمایا: ”بیٹھ کر نماز پڑھنے والے کا ثواب کھڑے ہو کر نماز پڑھنے والے کے مقابلے میں آدھا ہے“، (سیدنا انس رضی اللہ عنہ فرماتے ہیں کہ) یہ سن کر لوگوں نے اجر و ثواب کی خاطر مشقت جھیل کر کھڑے ہو کر نماز پڑھنا شروع کر دی۔ [مسند أبي يعلى الموصلي/مسند أنس بن مالك/حدیث: 3583]