سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے ایک شخص کو قربانی کا اونٹ ہانکتے ہوئے دیکھ کر اس سے ارشاد فرمایا: ”تم اس پر سوار ہو جاؤ“، اس شخص نے عرض کی: یہ تو قربانی کا جانور ہے، آپ صلی اللہ علیہ وسلم نے دوبارہ فرمایا: ”اس پر سوار ہو جاؤ“، اس نے پھر عرض کی: یہ تو قربانی کا جانور ہے، آپ صلی اللہ علیہ وسلم نے فرمایا: ”اگرچہ قربانی کا ہی ہو“، اس نے پھر (تیسری بار) عرض کی کہ یہ قربانی کا اونٹ ہے، تو آپ صلی اللہ علیہ وسلم نے ارشاد فرمایا: ”تم اس پر سوار ہو جاؤ بشرطیکہ وہ زخمی نہ ہو“۔ [مسند أبي يعلى الموصلي/مسند أنس بن مالك/حدیث: 3625]