سیدنا انس رضی اللہ عنہ سے مروی ہے (جسے مصعب رحمہ اللہ نے ان سے سنا) کہ وہ بیان کرتے ہیں: ”میں نے نبی کریم صلی اللہ علیہ وسلم کو دیکھا کہ آپ صلی اللہ علیہ وسلم اکڑوں بیٹھ کر قدرے تیزی کے ساتھ تناول فرما رہے تھے، اور آپ صلی اللہ علیہ وسلم اسے تقسیم بھی فرما رہے تھے اور مجھے بھی اسے دے کر (دیگر لوگوں کی طرف) بھیج رہے تھے“، راوی کہتے ہیں کہ میرا گمان ہے کہ اس سے مراد کھجوریں تھیں۔ [مسند أبي يعلى الموصلي/مسند أنس بن مالك/حدیث: 3647]