سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے سیدہ بنتِ ملحان رضی اللہ عنہا کے ہاں تکیہ لگا کر آرام فرمایا اور آپ صلی اللہ علیہ وسلم کو نیند آ گئی، پھر جب بیدار ہوئے تو آپ صلی اللہ علیہ وسلم تبسم فرما رہے تھے، انہوں نے عرض کیا: ”یا رسول اللہ صلی اللہ علیہ وسلم ! آپ کس بات پر مسکرائے ہیں؟“ آپ صلی اللہ علیہ وسلم نے ارشاد فرمایا: ”میری امت کے کچھ لوگ جو اس سبز سمندر میں سوار ہوں گے، ان کی شان ایسی ہوگی جیسے بادشاہ تختوں پر متمکن ہوں،“ میں نے عرض کیا: ”یا رسول اللہ صلی اللہ علیہ وسلم ! اللہ تعالیٰ سے دعا فرمائیے کہ وہ مجھے بھی ان میں شامل کر دے،“ آپ صلی اللہ علیہ وسلم نے دعا فرمائی: «اللَّهُمَّ اجْعَلْهَا مِنْهُمْ» ”اے اللہ! اسے ان میں شامل فرما،“ راوی بیان کرتے ہیں کہ پھر ان کا نکاح سیدنا عبادہ بن صامت رضی اللہ عنہ سے ہوا اور وہ سیدہ بنتِ قرظہ رضی اللہ عنہا کے ہمراہ بحری سفر پر روانہ ہوئیں، پھر جب وہ واپس لوٹیں تو ان کی سواری نے انہیں گرا دیا جس سے ان کی وفات ہو گئی اور وہیں انہیں دفن کر دیا گیا۔ [مسند أبي يعلى الموصلي/مسند أنس بن مالك/حدیث: 3675]