سیدنا انس بن مالک رضی اللہ عنہ سے روایت ہے کہ ایک مرتبہ (مشرکین نے) رسول اللہ صلی اللہ علیہ وسلم کو اس قدر زدوکوب کیا کہ آپ صلی اللہ علیہ وسلم پر غشی طاری ہو گئی، تو سیدنا ابوبکر صدیق رضی اللہ عنہ کھڑے ہوئے اور پکارنے لگے: «وَيْلَكُمْ» ”تمہاری بربادی ہو!“ ﴿أَتَقْتُلُونَ رَجُلًا أَنْ يَقُولَ رَبِّيَ اللَّهُ﴾ ”کیا تم ایک مرد کو اس لیے قتل کرنا چاہتے ہو کہ وہ کہتا ہے کہ میرا رب اللہ ہے؟“ تو ان (کفار) نے پوچھا کہ ”یہ کون ہے؟“ تو لوگوں نے (تمسخر اڑاتے ہوئے) کہا: ”یہ ابنِ ابی قحافہ مجنون ہے“۔ [مسند أبي يعلى الموصلي/مسند أنس بن مالك/حدیث: 3691]