سیدنا انس رضی اللہ عنہ سے روایت ہے کہ غزوہِ احد کے دن رسول اللہ صلی اللہ علیہ وسلم کا سامنے کا دانت مبارک (رباعیہ) ٹوٹ گیا اور آپ صلی اللہ علیہ وسلم کی پیشانی مبارک پر زخم آیا یہاں تک کہ خون آپ صلی اللہ علیہ وسلم کے چہرہِ انور پر بہنے لگا، تو آپ صلی اللہ علیہ وسلم نے فرمایا: ”وہ قوم کیسے فلاح پا سکتی ہے جس نے اپنے نبی کے ساتھ ایسا سلوک کیا، حالانکہ وہ انہیں ان کے رب کی طرف بلا رہا تھا؟“ پس یہ آیتِ مبارکہ نازل ہوئی: ﴿لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ﴾ ”(اے پیغمبر!) آپ کے پاس اس معاملے کا کوئی اختیار نہیں، اللہ چاہے تو ان کی توبہ قبول کر لے یا انہیں عذاب دے، کیونکہ وہ یقیناً ظالم ہیں۔“ [مسند أبي يعلى الموصلي/مسند أنس بن مالك/حدیث: 3738]