سیدنا انس رضی اللہ عنہ سے روایت ہے کہ نبی اکرم صلی اللہ علیہ وسلم اپنی کسی زوجہ مطہرہ کے ہاں تشریف فرما تھے کہ (آپ صلی اللہ علیہ وسلم کی ایک دوسری زوجہ نے) ایک پیالے میں کچھ کھانا بھیجا، جب وہ خادم کھانا لے کر اس زوجہ کے پاس پہنچا جن کے گھر میں آپ صلی اللہ علیہ وسلم مقیم تھے تو انہوں نے خادم کے ہاتھ پر ضرب لگائی جس سے پیالہ گر کر ٹوٹ گیا، چنانچہ نبی اکرم صلی اللہ علیہ وسلم نے اس پیالے کے ٹکڑوں کو اکٹھا کیا اور اس میں کھانا سمیٹنے لگے اور ساتھ ہی فرمانے لگے: ”تمہاری ماں کو غیرت آ گئی ہے“، پھر جب (اسی گھر والی کا) صحیح پیالہ لایا گیا تو آپ صلی اللہ علیہ وسلم نے اسے لے کر اس زوجہ کی طرف بھجوا دیا جن کا پیالہ ٹوٹ گیا تھا۔ [مسند أبي يعلى الموصلي/مسند أنس بن مالك/حدیث: 3774]