سیدنا انس رضی اللہ عنہ سے روایت ہے کہ ایک شخص نبی کریم صلی اللہ علیہ وسلم کی خدمتِ اقدس میں حاضر ہوا اور آپ صلی اللہ علیہ وسلم سے نمازِ فجر کے وقت کے بارے میں دریافت کیا، تو جب اگلا دن ہوا تو آپ صلی اللہ علیہ وسلم نے عین طلوعِ فجر کے وقت نماز قائم کرنے کا حکم دیا، پھر جب اس سے اگلا دن ہوا تو آپ صلی اللہ علیہ وسلم نے نماز میں اتنی تاخیر فرمائی کہ خوب سپیدہ سحر (روشنی) پھیل گیا، پھر آپ صلی اللہ علیہ وسلم کے حکم سے نماز قائم کی گئی اور آپ صلی اللہ علیہ وسلم نے ہمیں نماز پڑھائی، پھر دریافت فرمایا: ”نماز کے وقت کے بارے میں سوال کرنے والا کہاں ہے؟ ان دونوں اوقات کے درمیان ہی نماز کا وقت ہے۔“ [مسند أبي يعلى الموصلي/مسند أنس بن مالك/حدیث: 3801]