سیدنا انس بن مالک رضی اللہ عنہ سے روایت ہے کہ ”رسول اللہ صلی اللہ علیہ وسلم (نفلی روزوں کا اس قدر اہتمام فرماتے اور) مہینہ بھر روزے رکھتے یہاں تک کہ ہم (آپس میں) یہ کہنے لگتے کہ اب آپ صلی اللہ علیہ وسلم (اس ماہ کا کوئی دن) بغیر روزے کے نہیں چھوڑیں گے، اور (کبھی) اس تسلسل سے ناغہ فرماتے کہ ہم کہنے لگتے کہ اب آپ صلی اللہ علیہ وسلم (اس ماہ) روزہ نہیں رکھیں گے۔“ [مسند أبي يعلى الموصلي/مسند أنس بن مالك/حدیث: 3828]