سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم میں سے کوئی بھی شخص کسی ایسی تکلیف کی وجہ سے جو اسے پہنچی ہو ہرگز موت کی تمنا نہ کرے، لیکن اسے چاہیے کہ یوں کہے: «اللَّهُمَّ أَحْيِنِي مَا كَانَتِ الْحَيَاةُ خَيْرًا لِي، وَتَوَفَّنِي إِذَا عَلِمْتَ الْوَفَاةَ خَيْرًا لِي» ”اے اللہ! مجھے اس وقت تک زندہ رکھ جب تک زندگی میرے لیے بہتر ہو، اور مجھے اس وقت موت دے دینا جب تو جانتا ہو کہ وفات میرے لیے بہتر ہے۔“” [مسند أبي يعلى الموصلي/مسند أنس بن مالك/حدیث: 3847]