سیدنا انس بن مالک رضی اللہ عنہ سے روایت ہے کہ انہوں نے بیان کیا کہ ”میں اپنے چچاؤں کو کچی کھجوروں سے تیار کردہ مشروب یعنی فضٰیخ پلا رہا تھا کہ اتنے میں ہم نے ایک منادی کو صدا دیتے ہوئے سنا کہ: ”آگاہ ہو جاؤ! بے شک شراب حرام کر دی گئی ہے“، وہ بیان کرتے ہیں کہ (یہ سنتے ہی) ان سب نے کہا: ”اے انس! اسے بہا دو“، سیدنا انس رضی اللہ عنہ نے فرمایا کہ ”اللہ کی قسم! انہوں نے یہ نہیں کہا کہ پہلے ہم دیکھ لیں یا مزید دریافت کر لیں (بلکہ فوراً تعمیلِ ارشاد کی)۔“ وہ فرماتے ہیں کہ ”ان دنوں ان کی عام شراب یہی فضٰیخ تھی“ اور اس دن وہاں موجود حضرات میں سیدنا ابو طلحہ، سیدنا سہیل بن بیضاء رضی اللہ عنہما اور رسول اللہ صلی اللہ علیہ وسلم کے دیگر کئی صحابہ رضی اللہ عنہم کے نام ذکر کیے گئے ہیں۔ [مسند أبي يعلى الموصلي/مسند أنس بن مالك/حدیث: 3903]