سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے سیدنا معاذ بن جبل رضی اللہ عنہ کو اپنی سواری پر اپنے پیچھے بٹھایا اور اپنی پوری آواز سے پکارا: ”اے معاذ!“ انہوں نے عرض کیا: ”اے اللہ کے رسول صلی اللہ علیہ وسلم ! میں آپ کے حضور حاضر ہوں“، پھر آپ صلی اللہ علیہ وسلم نے دوسری مرتبہ پکارا، پھر تیسری مرتبہ نہایت بلند آواز سے پکارا تو انہوں نے عرض کیا: ”اے اللہ کے رسول صلی اللہ علیہ وسلم ! میں حاضرِ خدمت ہوں“، تب نبی کریم صلی اللہ علیہ وسلم نے ارشاد فرمایا: ”جس نے اللہ کے ساتھ کسی کو شریک نہ ٹھہرایا، اس کے لیے جنت ہے“۔ [مسند أبي يعلى الموصلي/مسند أنس بن مالك/حدیث: 3937]