سیدنا انس رضی اللہ عنہ سے روایت ہے (راوی کو گمان ہے کہ انہوں نے اسے نبی کریم صلی اللہ علیہ وسلم سے روایت کیا ہے) کہ آپ صلی اللہ علیہ وسلم نے فرمایا: ”عنقریب میرے حوض پر کچھ ایسی قومیں وارد ہوں گی جنہیں میرے سامنے سے کھینچ کر الگ کر دیا جائے گا، تو میں عرض کروں گا: اے میرے رب! یہ تو میرے ساتھی ہیں، تو جواب دیا جائے گا: بے شک آپ نہیں جانتے کہ انہوں نے آپ کے بعد (دین میں) کیا کیا نئی چیزیں ایجاد کر لی تھیں۔“ اس روایت کی سند میں راوی کو اس کے مرفوع ہونے کے متعلق شک لاحق ہوا ہے۔ [مسند أبي يعلى الموصلي/مسند أنس بن مالك/حدیث: 3942]