سیدنا انس رضی اللہ عنہ سے روایت ہے کہ جب رسول اللہ صلی اللہ علیہ وسلم کو شہدائے بئرِ معونہ کے سانحے کی اطلاع ملی تو آپ صلی اللہ علیہ وسلم نے نمازِ فجر میں (قنوتِ نازلہ) فرمائی؛ راوی بیان کرتے ہیں کہ آپ صلی اللہ علیہ وسلم جب آخری رکعت کے رکوع سے سرِ مبارک اٹھا کر سیدھے کھڑے ہوتے تو تین مرتبہ یہ کلمات فرماتے: «اللَّهُمَّ الْعَنْ رِعْلًا وَذَكْوَانَ، وَعُصَيَّةُ عَصَتِ اللَّهَ وَرَسُولَهُ» ”اے اللہ! رعل اور ذکوان پر لعنت فرما، اور عصیہ (قبیلے) پر بھی جس نے اللہ اور اس کے رسول کی نافرمانی کی“، پھر آپ صلی اللہ علیہ وسلم تکبیر کہتے اور سجدے میں جاتے۔ سیدنا انس رضی اللہ عنہ فرماتے ہیں کہ میں نے رسول اللہ صلی اللہ علیہ وسلم کے اس عمل کو اچھی طرح محفوظ کر لیا کہ آپ صلی اللہ علیہ وسلم نے تیس دن تک (مسلسل) اسی طرح عمل فرمایا۔ [مسند أبي يعلى الموصلي/مسند أنس بن مالك/حدیث: 4000]