بیان رحمہ اللہ بیان کرتے ہیں کہ میں نے سیدنا انس رضی اللہ عنہ سے عرض کیا کہ مجھے رسول اللہ صلی اللہ علیہ وسلم کی نماز کے اوقات کے بارے میں بتائیے، تو انہوں نے فرمایا کہ ”آپ صلی اللہ علیہ وسلم ظہر کی نماز سورج ڈھلنے کے وقت ادا فرماتے تھے، اور عصر کی نماز تمہاری اس پہلی نماز اور عصر کے درمیانی وقت میں پڑھتے تھے، اور مغرب کی نماز سورج غروب ہونے کے وقت ادا فرماتے تھے، اور عشاء کی نماز شفق غائب ہونے کے وقت پڑھتے تھے، جبکہ صبح کی نماز فجر کے وقت اس وقت ادا فرماتے تھے جب بینائی کھل جاتی تھی، اور ان کے درمیان کا سارا وقت ہی (نماز کا) وقت ہے“ یا انہوں نے فرمایا کہ ”(وہ سب) نماز ہے“۔ [مسند أبي يعلى الموصلي/مسند أنس بن مالك/حدیث: 4004]