سیدنا انس رضی اللہ عنہ سے روایت ہے کہ ”رسول اللہ صلی اللہ علیہ وسلم کو جب کبھی جو کی روٹی اور متغیر بو والی پرانی چربی (چکنائی) کے کھانے کی دعوت دی جاتی تو آپ صلی اللہ علیہ وسلم اسے قبول فرما لیتے تھے، اور آپ صلی اللہ علیہ وسلم کی ایک زرہ ایک یہودی کے پاس بطورِ رہن (گروی) رکھی ہوئی تھی، یہاں تک کہ آپ صلی اللہ علیہ وسلم اس دنیا سے پردہ فرما گئے اور آپ صلی اللہ علیہ وسلم کے پاس اس قدر مال و زر میسر نہ تھا کہ اسے چھڑا پاتے۔“ [مسند أبي يعلى الموصلي/مسند أنس بن مالك/حدیث: 4015]