ہانی بن ہانی رحمہ اللہ سے روایت ہے کہ ہم سیدنا علی رضی اللہ عنہ کی خدمت میں بیٹھے ہوئے تھے کہ سیدنا عمار رضی اللہ عنہ تشریف لائے، تو سیدنا علی رضی اللہ عنہ نے فرمایا: ”خوش آمدید اے پاکیزہ اور مطہر انسان!“، (پھر فرمایا کہ) میں نے رسول اللہ صلی اللہ علیہ وسلم کو یہ فرماتے ہوئے سنا ہے: «عَمَّارٌ مُلِئَ إِيمَانًا إِلَى مُشَاشَتِهِ» ”عمار اپنے ہڈیوں کے جوڑوں (اور رگ و پے) تک ایمان سے لبریز کر دیے گئے ہیں۔“ [مسند أبي يعلى الموصلي/مسند علي بن أبي طالب رضي الله عنه/حدیث: 404]