سیدنا علی رضی اللہ عنہ سے روایت ہے کہ انہوں نے فرمایا: ”جب غزوہ بدر کے دن معرکہ کارزار گرم ہوا تو ہم نے رسول اللہ صلی اللہ علیہ وسلم کی اوٹ لی اور آپ صلی اللہ علیہ وسلم کے ذریعے (دشمن کے وار سے) اپنا بچاؤ کیا، آپ صلی اللہ علیہ وسلم تمام لوگوں میں سب سے زیادہ جری اور بہادر تھے اور میدانِ جنگ میں کوئی بھی شخص آپ صلی اللہ علیہ وسلم کی نسبت مشرکین کے اتنا زیادہ قریب نہ تھا۔“ [مسند أبي يعلى الموصلي/مسند علي بن أبي طالب رضي الله عنه/حدیث: 412]