سیدنا انس بن مالک رضی اللہ عنہ سے روایت ہے کہ انہوں نے بیان فرمایا: ”شراب کی حرمت کا حکم نازل ہوا، تو میں اپنے کچھ ساتھیوں کے پاس گیا جبکہ شراب ان کے سامنے (پینے کے لیے) موجود تھی، میں نے اسے اپنے پاؤں سے ٹھوکر مار کر بہا دیا اور کہا: رسول اللہ صلی اللہ علیہ وسلم کی خدمتِ اقدس میں حاضر ہو جاؤ، بے شک شراب کی حرمت نازل ہو چکی ہے“، بکر بن عبد اللہ المزنی رحمہ اللہ بیان کرتے ہیں کہ ان دنوں ان کی شراب کچی اور پختہ کھجوروں سے تیار شدہ ہوا کرتی تھی۔ [مسند أبي يعلى الموصلي/مسند أنس بن مالك/حدیث: 4157]