نعمان بن سعد (رحمہ اللہ) سے روایت ہے، وہ بیان کرتے ہیں کہ ہم سیدنا علی (رضی اللہ عنہ) کی مجلس میں موجود تھے کہ ایک شخص نے آپ سے دریافت کیا: ”کیا میں رکوع یا سجدے کی حالت میں قراءت کر سکتا ہوں؟“ اس پر سیدنا علی (رضی اللہ عنہ) نے فرمایا کہ رسول اللہ ( صلی اللہ علیہ وسلم ) نے ارشاد فرمایا ہے: ”بے شک مجھے اس بات سے منع کر دیا گیا ہے کہ میں رکوع یا سجدے میں قراءت کروں، چنانچہ جب تم رکوع کرو تو اللہ رب العزت کی عظمت بیان کرو اور جب سجدہ کرو تو دعا مانگنے میں خوب محنت و رغبت سے کام لو، کیونکہ یہ وقت اس لائق ہے کہ تمہاری دعا قبول کر لی جائے۔“ [مسند أبي يعلى الموصلي/مسند علي بن أبي طالب رضي الله عنه/حدیث: 416]