سیدنا انس رضی اللہ عنہ سے روایت ہے کہ جب سیدنا ابوسلمہ رضی اللہ عنہ کی وفات کا وقت قریب آیا تو سیدہ ام سلمہ رضی اللہ عنہا نے (پریشانی کے عالم میں) دریافت کیا کہ آپ مجھے کس کے سپرد کر کے جا رہے ہیں؟ تو انہوں نے یہ دعا فرمائی: «اللَّهُمَّ إِنَّكَ لِأُمِّ سَلَمَةَ خَيْرٌ مِنْ أَبِي سَلَمَةَ» ”اے اللہ! تو ام سلمہ کے لیے ابوسلمہ سے بہتر (کفیل و نگران) ہو جا۔“ چنانچہ جب ان کا انتقال ہو گیا تو رسول اللہ صلی اللہ علیہ وسلم نے انہیں نکاح کا پیغام بھیجا، جس پر انہوں نے (بطورِ عذر) عرض کی کہ میں ایک بڑی عمر کی خاتون ہوں، تو آپ صلی اللہ علیہ وسلم نے ارشاد فرمایا: ”میں عمر میں تم سے بھی بڑا ہوں، اور اہل و عیال (کی کفالت) اللہ اور اس کے رسول کے ذمہ ہے، رہی بات تمہاری غیرت کی تو میں اللہ تعالیٰ سے امید رکھتا ہوں کہ وہ اسے تمہارے دل سے دور فرما دے گا۔“ پھر رسول اللہ صلی اللہ علیہ وسلم نے ان سے نکاح فرما لیا اور انہیں (بطورِ رخصتی) دو چکیاں اور پانی کا ایک برتن (مشکیزہ) ارسال فرمایا۔ [مسند أبي يعلى الموصلي/مسند أنس بن مالك/حدیث: 4161]