سیدنا انس بن مالک رضی اللہ عنہ سے روایت ہے کہ ایک معمر بزرگ اپنی کسی ضرورت کے پیشِ نظر نبی کریم صلی اللہ علیہ وسلم کی خدمتِ اقدس میں حاضر ہوئے، تو وہاں موجود لوگوں نے انہیں جگہ دینے اور ان کے لیے راستہ کشادہ کرنے میں کچھ تاخیر کی، اس پر رسول اللہ صلی اللہ علیہ وسلم نے ارشاد فرمایا: «لَيْسَ مِنَّا مَنْ لَمْ يَرْحَمْ صَغِيرَنَا، وَيُوَقِّرْ كَبِيرَنَا» ”وہ شخص ہم میں سے نہیں ہے جو ہمارے چھوٹوں پر رحم نہ کرے اور ہمارے بڑوں کی توقیر و عظمت بجا نہ لائے۔“ [مسند أبي يعلى الموصلي/مسند أنس بن مالك/حدیث: 4242]