نوفل رحمہ اللہ بیان کرتے ہیں کہ ہم سیدنا انس رضی اللہ عنہ کے پاس حاضر ہوئے اور عرض کی کہ آپ ہمیں وہ (احادیث) سنائیں جو آپ نے رسول اللہ صلی اللہ علیہ وسلم سے سنی ہیں، تو انہوں نے بیان کیا کہ رسول اللہ صلی اللہ علیہ وسلم نے ارشاد فرمایا: ”تین خصلتیں ایسی ہیں کہ جس شخص میں وہ موجود ہوں، وہ آگ پر حرام ہو جاتا ہے اور آگ اس پر حرام کر دی جاتی ہے: اللہ پر ایمان لانا، اللہ ہی کی رضا کے لیے محبت کرنا، اور یہ کہ آگ میں ڈال کر جلا دیا جانا اس کے نزدیک کفر میں واپس لوٹنے سے زیادہ پسندیدہ ہو۔“ [مسند أبي يعلى الموصلي/مسند أنس بن مالك/حدیث: 4282]