سیدنا علی رضی اللہ عنہ سے روایت ہے کہ انہوں نے کھانا تیار کیا اور رسول اللہ صلی اللہ علیہ وسلم کی دعوت کی، پس جب آپ صلی اللہ علیہ وسلم تشریف لائے اور گھر میں ایک پردہ دیکھا جس پر تصویریں تھیں تو آپ صلی اللہ علیہ وسلم (اندر داخل ہوئے بغیر) واپس لوٹ گئے۔ سیدنا علی رضی اللہ عنہ بیان کرتے ہیں کہ میں نے عرض کیا: ”اے اللہ کے رسول صلی اللہ علیہ وسلم ! میرے ماں باپ آپ پر قربان ہوں، آپ کس وجہ سے واپس پلٹ گئے؟“ تو آپ صلی اللہ علیہ وسلم نے ارشاد فرمایا: ”گھر میں ایک ایسا پردہ ہے جس پر تصویریں بنی ہوئی ہیں، اور یقیناً فرشتے اس گھر میں داخل نہیں ہوتے جس میں تصویریں ہوں۔“ [مسند أبي يعلى الموصلي/مسند علي بن أبي طالب رضي الله عنه/حدیث: 436]