سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے ایک ایسی منقش چادر (خمیصہ) میں نماز ادا فرمائی جس پر نقش و نگار بنے ہوئے تھے، دورانِ نماز آپ صلی اللہ علیہ وسلم کی نظر ان نقش و نگار پر پڑی، چنانچہ جب آپ صلی اللہ علیہ وسلم نے سلام پھیرا تو ارشاد فرمایا: ”میری یہ چادر سیدنا ابوجہم رضی اللہ عنہ کے پاس لے جاؤ کیونکہ ابھی اس نے مجھے میری نماز سے غافل کر دیا تھا، اور میرے پاس سیدنا ابوجہم رضی اللہ عنہ کی سادہ چادر (انبیجانیہ) لے آؤ۔“ [مسند أبي يعلى الموصلي/مسند عائشة/حدیث: 4414]