سیدہ عائشہ رضی اللہ عنہا سے روایت ہے کہ ایک شخص رات کے وقت (نماز کے لیے) کھڑا ہوا اور اس نے بلند آواز سے قرآنِ کریم کی تلاوت کی، جب صبح ہوئی تو رسول اللہ صلی اللہ علیہ وسلم نے ارشاد فرمایا: ” «يَرْحَمُ اللَّهُ فُلَانًا» ”اللہ تعالیٰ فلاں شخص پر رحم فرمائے“، اس نے آج رات مجھے کتنی ہی ایسی آیات یاد دلا دیں جنہیں میں (بشری نسیان کی وجہ سے اپنے حافظے سے) گرا چکا تھا۔“ [مسند أبي يعلى الموصلي/مسند عائشة/حدیث: 4492]