سیدہ عائشہ رضی اللہ عنہا سے روایت ہے کہ سیدنا ابوقُعیس رضی اللہ عنہ کے بھائی نے ان کے پاس حاضر ہونے کی اجازت چاہی تو انہوں نے انہیں اجازت دینے سے انکار کر دیا، پھر انہوں نے اس بات کا ذکر نبی کریم صلی اللہ علیہ وسلم سے کیا تو آپ صلی اللہ علیہ وسلم نے ارشاد فرمایا: ”وہ تمہارے چچا ہیں، لہٰذا انہیں اندر آنے دو“، انہوں نے عرض کی کہ اے اللہ کے رسول! مجھے تو محض اس عورت نے دودھ پلایا ہے، اس مرد نے تو دودھ نہیں پلایا، آپ صلی اللہ علیہ وسلم نے پھر ارشاد فرمایا: ”وہ تمہارے چچا ہیں، انہیں داخل ہونے کی اجازت دے دو۔“ [مسند أبي يعلى الموصلي/مسند عائشة/حدیث: 4501]