سیدہ عائشہ رضی اللہ عنہا سے روایت ہے کہ جب یہ آیتِ کریمہ ﴿وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا﴾ یعنی ”اور (اے نبی صلی اللہ علیہ وسلم !) آپ مجھے اور ان جھٹلانے والے صاحبِ ثروت لوگوں کو چھوڑ دیجیے اور انہیں تھوڑی سی مہلت دے دیجیے“ نازل ہوئی، تو آپ رضی اللہ عنہا نے فرمایا: ”اس کے بعد بس تھوڑا ہی عرصہ گزرا تھا کہ غزوۂ بدر کا معرکہ پیش آگیا۔“ [مسند أبي يعلى الموصلي/مسند عائشة/حدیث: 4578]