سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے اپنے صحابہ کرام رضی اللہ عنہم سے دریافت فرمایا: ”کیا تم جانتے ہو کہ اللہ کے نزدیک بدترین زنا کیا ہے؟“ صحابہ کرام رضی اللہ عنہم نے عرض کیا کہ اللہ اور اس کا رسول صلی اللہ علیہ وسلم ہی بہتر جانتے ہیں، تو آپ صلی اللہ علیہ وسلم نے ارشاد فرمایا: ”اللہ کے نزدیک سب سے سنگین زنا کسی مسلمان کی عزت و آبرو کو (پامال کرنا یا اسے) حلال سمجھ لینا ہے،“ پھر آپ صلی اللہ علیہ وسلم نے یہ آیت مبارکہ تلاوت فرمائی: ﴿اور جو لوگ مومن مردوں اور مومن عورتوں کو بغیر کسی ایسے گناہ کے جو انہوں نے کیا ہو، اذیت دیتے ہیں﴾ ۔ [مسند أبي يعلى الموصلي/مسند عائشة/حدیث: 4689]