سیدنا علی بن ابی طالب رضی اللہ عنہ سے روایت ہے کہ علی بن حسین رحمہ اللہ نے ایک شخص کو نبی کریم صلی اللہ علیہ وسلم کی قبرِ مبارک کے پاس موجود ایک شگاف کے قریب آ کر وہاں دعا مانگتے دیکھا تو اسے منع کرتے ہوئے فرمایا: ”کیا میں تمہیں وہ حدیث نہ سناؤں جو میں نے اپنے والد سیدنا حسین رضی اللہ عنہ سے اور انہوں نے میرے دادا سیدنا علی رضی اللہ عنہ سے سنی ہے کہ رسول اللہ صلی اللہ علیہ وسلم نے ارشاد فرمایا: ”میری قبر کو عید (میلہ گاہ یا بار بار اجتماع کی جگہ) نہ بناؤ اور نہ ہی اپنے گھروں کو قبرستان بناؤ، کیونکہ تمہارا سلام مجھ تک پہنچ جاتا ہے تم جہاں کہیں بھی ہو۔““ [مسند أبي يعلى الموصلي/مسند علي بن أبي طالب رضي الله عنه/حدیث: 469]