سیدہ عائشہ رضی اللہ عنہا سے روایت ہے کہ میں نے رسول اللہ صلی اللہ علیہ وسلم کو یہ فرماتے ہوئے سنا: «لَا أَقْبَلُ هَدِيَّةً مِنْ أَعْرَابِيٍّ» ”میں کسی دیہاتی کا ہدیہ قبول نہیں کرتا“۔ پھر آپ صلی اللہ علیہ وسلم کی خدمت میں سیدہ ام سنبلہ اسلمیہ رضی اللہ عنہا دودھ کا ایک مشکیزہ لے کر حاضر ہوئیں جو انہوں نے آپ صلی اللہ علیہ وسلم کو بطورِ ہدیہ پیش کیا تو آپ صلی اللہ علیہ وسلم نے فرمایا: «أَفْرِغِي مِنْهُ فِي هَذَا الْقَعْبِ» ”اس پیالے میں کچھ دودھ انڈیل دو“۔ انہوں نے دودھ انڈیل دیا، پھر آپ صلی اللہ علیہ وسلم نے اسے پکڑا اور نوش فرمایا، تو میں نے عرض کیا: کیا آپ نے یہ نہیں فرمایا تھا کہ ”میں کسی دیہاتی کا ہدیہ قبول نہیں کرتا“؟ آپ صلی اللہ علیہ وسلم نے ارشاد فرمایا: «إِنَّ أَعْرَابَ أَسْلَمْ لَيْسُوا بِأَعْرَابٍ، وَلَكِنَّهُمْ أَهْلُ بَادِيَتِنَا، وَنَحْنُ أَهْلُ حَاضِرَتِهِمْ. إِنْ دَعَوْنَا أَجَبْنَاهُمْ، وَإِنْ دَعَوْنَاهُمْ أَجَابُونَا» ”بے شک قبیلہ اسلم کے دیہاتی (عام) اعرابی نہیں ہیں، بلکہ وہ ہمارے دیہات کے باسی ہیں اور ہم ان کے شہر کے باسی ہیں؛ اگر ہم انہیں بلائیں تو وہ ہماری پکار پر لبیک کہتے ہیں اور اگر وہ ہمیں بلائیں تو ہم ان کی پکار کا جواب دیتے ہیں“۔ [مسند أبي يعلى الموصلي/مسند عائشة/حدیث: 4773]