سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم ”سورج طلوع ہونے کے وقت نماز ادا کرنے سے منع فرماتے تھے یہاں تک کہ وہ (افق سے) بلند ہو جائے، اور آپ صلی اللہ علیہ وسلم ارشاد فرماتے تھے: «إِنَّهَا تَطْلُعُ بِقَرْنِ شَيْطَانٍ» ”بیشک وہ شیطان کے سینگ کے ساتھ طلوع ہوتا ہے“، نیز آپ صلی اللہ علیہ وسلم سورج غروب ہونے کے قریب نماز پڑھنے سے بھی منع فرماتے تھے یہاں تک کہ وہ مکمل طور پر غروب ہو جائے۔“ [مسند أبي يعلى الموصلي/مسند عائشة/حدیث: 4844]