سفیان رحمہ اللہ سے روایت ہے کہ سیدہ عائشہ رضی اللہ عنہا نے فرمایا: ”مجھ پر رمضان کے (قضا) روزے واجب ہوتے تھے، مگر میں شعبان کا مہینہ آنے تک وہ روزے ادا نہ کر پاتی تھی۔“ امام سفیان رحمہ اللہ نے اس کی تشریح میں یہ بیان فرمایا کہ یہ سب اس وجہ سے تھا کہ سیدہ عائشہ رضی اللہ عنہا رسول اللہ صلی اللہ علیہ وسلم کی خدمت اور آپ صلی اللہ علیہ وسلم کے حقِ رفاقت کی موجودگی میں (پورا سال روزے رکھنے سے) حیا محسوس کرتی تھیں۔ [مسند أبي يعلى الموصلي/مسند عائشة/حدیث: 4861]