سیدنا علی رضی اللہ عنہ سے روایت ہے، انہوں نے بیان کیا کہ ”سیدنا عبد اللہ بن سلام رضی اللہ عنہ میرے پاس اس وقت تشریف لائے جب میں (سفرِ عراق کے لیے) اپنے قدم رکاب میں رکھ چکا تھا، انہوں نے مجھ سے کہا: آپ عراق نہ جائیں، کیونکہ مجھے اندیشہ ہے کہ وہاں آپ کو تلوار کی دھار پہنچے گی (یعنی آپ شہید کر دیے جائیں گے)، تو سیدنا علی رضی اللہ عنہ نے فرمایا: ”اللہ کی قسم! مجھے اس بارے میں رسول اللہ صلی اللہ علیہ وسلم نے پہلے ہی باخبر فرما دیا تھا“، ابو الاسود رحمہ اللہ کہتے ہیں کہ میں نے آج کے دن جیسا کوئی جنگجو نہیں دیکھا جو خود اپنے متعلق ایسی (جان لیوا انجام کی) خبر دے رہا ہو۔“ [مسند أبي يعلى الموصلي/مسند علي بن أبي طالب رضي الله عنه/حدیث: 491]