سیدنا عبداللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے مجھ سے فرمایا: ”ہمیں (قرآن) پڑھ کر سناؤ“، وہ بیان کرتے ہیں کہ میں نے عرض کیا: ”اے اللہ کے رسول صلی اللہ علیہ وسلم ! کیا میں آپ کو پڑھ کر سناؤں؟ حالانکہ قرآن تو آپ ہی پر نازل کیا گیا ہے!“، تو آپ صلی اللہ علیہ وسلم نے ارشاد فرمایا: ”بیشک میں یہ پسند کرتا ہوں کہ اسے اپنے علاوہ کسی اور سے سنوں“، چنانچہ میں نے آپ صلی اللہ علیہ وسلم کے سامنے سورہ النساء کی تلاوت شروع کی، یہاں تک کہ جب میں اس آیتِ مبارکہ پر پہنچا: ﴿فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ وَجِئْنَا بِكَ عَلَى هَؤُلَاءِ شَهِيدًا﴾ ”بھلا اس وقت کیا حال ہوگا جب ہم ہر امت میں سے ایک گواہ لائیں گے اور (اے نبی!) ہم آپ کو ان سب پر گواہ بنا کر لائیں گے“ تو آپ صلی اللہ علیہ وسلم نے مجھے اشارہ کیا، میں نے جب آپ صلی اللہ علیہ وسلم کی طرف دیکھا تو آپ صلی اللہ علیہ وسلم کی دونوں مبارک آنکھوں سے آنسو رواں تھے۔ [مسند أبي يعلى الموصلي/مسند عبد الله بن مسعود/حدیث: 5069]