سیدنا عبداللہ بن مسعود رضی اللہ عنہ سے روایت ہے کہ ایک شخص نے دریافت کیا: اے اللہ کے رسول صلی اللہ علیہ وسلم ! کیا زمانہ جاہلیت میں کیے گئے ہمارے اعمال پر بھی ہماری پکڑ ہوگی؟ تو آپ صلی اللہ علیہ وسلم نے ارشاد فرمایا: ”جس نے اسلام لانے کے بعد نیک رویہ اختیار کیا، اس سے ان کاموں کا مواخذہ نہیں کیا جائے گا جو اس نے جاہلیت میں کیے تھے، اور جس نے اسلام میں (آنے کے بعد بھی) برائی کی، اس سے پہلے اور پچھلے (دونوں ادوار کے اعمال) پر گرفت کی جائے گی۔“ [مسند أبي يعلى الموصلي/مسند عبد الله بن مسعود/حدیث: 5071]