سیدنا عبد اللہ بن مسعود رضی اللہ عنہ سے روایت ہے کہ انہوں نے فرمایا: ”تم میں سے کوئی بھی شخص اپنے نفس میں شیطان کے لیے کوئی حصہ مقرر نہ کرے کہ وہ یہ خیال کرنے لگے کہ اس پر (نماز کے بعد) محض دائیں طرف ہی سے مڑنا لازم ہے، حالانکہ میں نے رسول اللہ صلی اللہ علیہ وسلم کو کثرت کے ساتھ اپنی بائیں جانب سے مڑتے ہوئے دیکھا ہے۔“ عمارہ رحمہ اللہ بیان کرتے ہیں کہ پھر میں مدینہ منورہ آیا تو میں نے دیکھا کہ رسول اللہ صلی اللہ علیہ وسلم کے حجرہ ہائے مبارکہ آپ کی بائیں جانب ہی واقع تھے۔ [مسند أبي يعلى الموصلي/مسند عبد الله بن مسعود/حدیث: 5174]