سیدنا عبداللہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”رشک (حسدِ محمود) صرف دو ہی صورتوں میں جائز ہے: ایک وہ شخص جسے اللہ تعالیٰ نے مال عطا فرمایا اور پھر اسے حق کی راہ میں لٹانے اور صرف کرنے کی پوری توفیق دے دی، اور دوسرا وہ شخص جسے اللہ تعالیٰ نے حکمت و دانش سے نوازا، پس وہ اس کے مطابق فیصلے کرتا ہے اور لوگوں کو اس کی تعلیم دیتا ہے۔“ [مسند أبي يعلى الموصلي/مسند عبد الله بن مسعود/حدیث: 5186]